世界最棒的旅遊

趕到屎淋尿瀨呀..唔知D野做唔做得切, 亦都唔知可唔可以入選, 不過只管試左先 !
Video 初型 !

Song by sorfai (原創野)
Video edit 天右 (小白野戰中, 未能抽胸)
相 by SOBplayer

24/06/09 雀巢, 衛訊領獎日 (衛訊編)

唔知係未因為係nestle受左氣, 攪到小白同肥聲要用shopping去平衡番個心情, 結果攪到勁遲先去到衛訊既領獎地點, 旺角富時中心.

太趕勒, 無時間係門口再影過, 所以有少少濛.

因為遲到, 所以miss左衛訊既茶點, 唔知有無上次google d 野咁好食呢..雖然荼點比較唔到, 不過衛訊呢次個頒獎禮既規模絕對不比google細.

有一班 miki 既 fans, 一班記者, 仲出動晒成個技術支援中心既 mon.

我地身處係一班miki fans前面

miki出黎勒. (叫喊聲!)


主持叫一班得獎者分享感受, sob既熱生完全無諗過要多謝一下佢d隊友, 個人獨取風頭, 結果仲係自己一個人領獎! 唉, 我地一眾人等當時並無上台既機會law.

香港既追星文化, miki叫極d fans都唔肯放低面具紙牌.

sobplayer x miki

sobplayer x 衛訊頭目張生

最後補多張diamond 1 同 2 既合照.

小插曲. 當我地要離開會場, 係門口等電梯時, sorfai係到嘈鬼晒問人去唔去洗手間, 我同佢講話要key架, 好麻煩, 不如唔好去住, 點知轉個頭就有個衛訊既同事親切咁送上 toilet key.......wa 呢一刻, 我完全地覺得好窩心呀, 同上晝係nestle個感覺真係差好很遠, 呢d未就係以禮代人law.
話又說回來, 係成個頒獎禮裡面, 由門口reception開始, 遠至衛訊個老板, 佢地都好nice, 會問下我地對呢次活動有咩意見, 同恭喜我地既得獎, 真係完完全全將上午個速遞員身份滅甩晒呀, 俾人respet既感覺舒服好多!

就係咁, 我地一下子就多左兩部無得玩既數碼產品勒.

當然 sobplayer係唔會停落黎既.........衝呀

24/06/09 雀巢, 衛訊領獎日 (雀巢編)

24/6/09 我地特意安排兩個比賽既獎品都係今日同時領取
行程係3.00先去九龍灣拎雀巢甘脆rap爆個咀咀比賽果部 sony t900, 跟住再係夜晚出席衛訊於旺角舉行既頌獎禮, 將部htc touch diamond 2 拎番屋企(無錯,我地又嬴左衛訊個相片故事比賽呀).

1.30係淘大醫左個肚, 心情勁happy! 間餐廳叫MEnU, 輝哥激讚 !
攪掂餐飯後, 我地一行人勁開心地向第一個目的地出發. MANTHATAN PLACE
呢到個LOBBY 設計真過癒, 話說一入門口, 行左兩步就有個呀姐笑騎騎咁衝過黎叫我地小心.

原來幅圖右邊黑色既地方唔係地磚, 係一個小水池! 相信唔小人曾經錯腳踩左入去, 個 designer真係玩野.

我地入門口之前仲係好hyper架 !

佢地3 個仲特登係門口換左件 sob 既戰衣tim.

不過, 好景不常. 之後接住落黎就係全日最唔如意既時間勒 !

入到門口, 唔知係未reception姐姐見到我地係門口攪左好耐, 嘈生晒, 佢對住我地, 一個笑容都無拎出黎.

我好記得有一下, 佢用果支探熱槍射我個頭幫我量體溫時, 我一聽到果下 "doo"聲時, 就講左一句"丫, 好痛呀!" 妳估佢俾咩反應我....>? 答案係:無! 佢好野呀, 當耳邊風. 應該完全唔欣賞我既幽默感, 或者我又真係好爛啦, 個 gag.
我心諗, 算啦...一日咁多人白撞, 做reception 係要俾人感覺冷一d架勒

就係後面個姐姐勒, 我地真係要自娛先有少少開心時間.

好啦, 等左一陣reception姐姐call左個付責人出黎俾獎品我地啦, 心諗話晒都係d付責對外既同事, 應該都唔會好似個 reception姐姐咁cool掛.

呵, 佢出現勒, 右手邊背住果個姐姐, 係一個比較後生既女仔, 不過佢cool既程度不比reception低.
成個過程, 佢無講低自己姓乜名乜, 而最得意係我地覺得身為一個得獎者, 我地除左得到一份獎品之外, 我地都想得到人地既認同專重, 一d交流下既機會. 呢個姐姐(唔好介意, 佢真係無講低佢係咩名)基本上當我地係收速遞既人一樣. 完全無閒話家常既空間, 就連一句"恭喜晒"都無同我地講過.

當我地問佢可唔可以代表nestle公司拎著份獎頒俾我地, 等我地可以影張相, 佢放低一句唔方便, 連bye bye都無講一句就走左勒.

ok, 你唔頒, 我地一樣可以自娛一番.

雀巢公司, 我地係你一個宣傳活動裡面既得獎者黎架, 我地都有付出時間同心機, 而參加活動既目標並非只有你地送出既果部sony t900 dc.
我地鍾意嬴, 更加鍾意有人欣賞同專重, 呢次既經驗話俾我地知, sobplayer既創意, 住後都唔會再出現係雀巢公司既活動裡面勒, 話知妳地下次送樓啦 !! 有火

PS. 兩位接代我地既朋友完全浪費左付責接呢條線21798888果位女同事既工夫, 本身我對雀巢工作既朋友係好欣賞架 ! 樓下lobby既嬸嬸比妳地更懂得 respect !

大新銀行 - 潮人潮拍心頭好

今次比賽主題係話, 如果你有一萬蚊, 你會點用, 買潮物? 定去潮遊外地?

我地出左兩個作品, 因為呢次既獎品, 實在吸引--sony netbook 一部

作品a, 給我~~~~~~~跳

我地用左多年黎既跳相, 剪揖成一段 video, 意思係我地日跳夜跳都只可以係香港或東南亞跳, 如果有一萬蚊, 我地希望跳到歐洲, 非洲, 澳洲.......或許更遠~~

http://dahsing.promo.pacim.com/gallery.asp?id=420

喜歡的跳相之一, 這張是留網之魚, 我叫佢做kai仔

作品b, Air-skateboarding
上年我地去旅行既片段, 一行8人係西門町等人時, 無聊玩起 air skatebroading(我地自創). 利用左呢段小品, 再加左d文字, 變左如果我地有一萬蚊, 就可以買真正既板黎踩, 唔使踩空氣!

http://dahsing.promo.pacim.com/gallery.asp?id=422

自己入去睇下啦

其實上面D link 唔知work 唔work, in case 唔掂, 可以自己入去下面搵.
http://dahsing.promo.pacim.com/gallery.asp

小小意見俾番大新, 我覺得呢個 game 幾好, 幾得意, 絕對係一個>贊.
只係有一個小問題, 就係我發覺d片, 放左上去之後, 效果唔係太好, 成條片係(蒙)左, 係晒格.

PS. 係度多謝番大新個 HENRY 哥, 佢幫我地跟進upload片時d問題, 奇快, 奇好人.

雀巢領獎信

NESTLE 呢間公司好野呀 !
由我地知道比賽結果, 去到我地可以親手得到份獎品, 只係須時半個月.

我地今日已經收到封領獎信.


講番轉頭, VISA 之前個短片比賽, 兩個幾月都仲未UPDATE個WEB 既得獎名單, 真係唔掂.
我地都唔知要等多幾耐先可以拎d錢去買我地果隻 sever lu~~~

世界最棒的旅遊-旅遊達人台灣走透透

這一次我們的目標更大, 要衝出台灣 !

竟然俾我發現到台灣旅遊局呢一個咁別開新面既活動, 二話不說即時參加. 衣家我地第一步要做既野就係拍一段短片介紹我地既團隊. 而我亦都已經滿腦子構思勒, 好快可以起貨 !

我相信呢個將會係我地sobplayer全年既一個重頭 project, 希望我地最少可以打入前50啦. 我地要為香港出一分力呀 !!

團隊名稱
不是一時貪玩.
入黎 打個氣啦 !

台灣我地又黎勒~~~~~

戀上 Diamond 2 故事攝影比賽

睇到圖都知啦, 今次既目標係衛訊電訊同 htc合作既比賽, 而比賽既代言人更加係女神 miki 呀, 咁我地更係參賽啦, 而且仲交左兩份作品tim !
結果我地兩份作品亦都成功進入最後既 15強, 穩袋左400蚊衛信現金卷.

公開投票既網址係呢到
http://www.ringhk.com/news2.php?id=2036
好老實, 我對呢次既信心好大, 只要大家用少少時間, 真係睇下d參賽作品, 然後投番你自己最心愛, 最切題果兩個作品, 你一定會投到俾我地 !



來投票啦畏 ~~~



話又說回來, 今日係第一日可以公開投票, 我睇住有一兩個單位d票數以火速上升, 講真我睇番呢次既比賽評審比重係網上公開投票佔60%, 評審40%. 當然我明白每個入圍既單位都想最終得到勝利, 不過有時我會咁諗, 如果一個公開既網上比賽, 製作人隨左會以公開投票作比分, 仲會加插評審比分的話, 唔多唔少就係想以此防止有人因人脈太廣而最終以人海戰取得勝利, 確保最終得勝單位有一定水準.
今次因為我實在有充份信心既關係, 所以呢次未想發動最大既人海戰去幫手, 反正都唔係完全睇網上結果ma, 希望呢d一切既推算都無錯啦. 衛信ma, 我等你呀 !!

最後係, 如果我真係拎到獎, 而女神miki又會係頒獎禮出現既話就好勒, 我一定會拎呢隻dvd 搵佢幫我簽名 !!

片名：ｂ４２０


miki等我呀　～～～

ＰＳ　得知結果後, 我會再將呢次既製作花絮同大家分享

雀巢甘脆嬴左 !

呢塊係甘脆,脆爆個咀咀! 最脆爆及有趣口號比賽.
今次我地派出小熙應戰, 而佢亦不負眾望, 用一晚時間爆seed, 最終勝出比賽.

呢個就係作品既足本

(intro)Mic check Mic check ~Have you ever taste a choco like that?

最近同一隊樂壇組合做左個訪問
主角係農夫0既陸永同 可愛0既 C君
佢地話: 好開心, 細細個就食雀巢0既 crunch
估唔到~ 食下食下今日做左代言人

細細個第一次食, 已經覺得好震撼
出面香,入面脆, 仲好有質感
俾人初戀0既感覺~ 噢~ 真係好冧
今時今日女朋友都會有排跟身

時間一轉, 嘩~ 已經十幾年
crunch 0既魅力都依然無變
超級市場, 各大士多無論去到邊
都會放係當眼處, 一定係你面前

有人問: 開心0既定義有無一條界線?
其實使乜咁認真, 不如發下 daydream
打開藍色包裝紙竟然可以法力無邊
大人會變細路, 朱古力會變成啡色地"煎"

坐上去大嗌 "crunch" 你就會一飛衝天
唔使靠吞雲吐霧 唔使靠藥物做神仙
所以你問: 其實開心係乜野? what does it mean?
呢d 咪叫開心. 唔通要靠十蚊三支煙? 咪癲 ....

一張錫紙點會包得住無限開心?
我見到銀色部份 彷彿聽到打開0既聲音
指尖掂到塊朱古力, 感覺好過攞冠軍
岩岩好0既 size 大過成張一千蚊

包裝紙搣一半 就唔會溶係掌心
只要咬一啖朱古力, 你就會夢想成真
愛隊曼聯即刻羸左歐聯 champion
我係講笑定係講真 其實無需要區分, why so serious, 我只係唔想大家悶親

雖然特區政府日日提你面對呢個 crunch
但金融風暴好快過 , 大家唔使擔心
有陸永 有C君 同你share the fun ~take it easy~ 2009 使乜怕人類豬流感?!

小熙呢次既爆seed, 真係唔少野, 有心既可以睇下呢次得獎既其他單位作品
http://www.nestle.com.hk/tradch/jetso/0155/result.asp

早知我將小熙個作品分幾份去參加, 咁可能仲會win多一兩個獎品．
不過都好啦, 一晚時間, 換黎一部sony 既 t900.

國泰朋友俾我地既野.

經過左我長篇大論既請求, 國泰既朋友都受唔到感動, 總結整個 get ready for the sevens既function, 我地 sobplayer 團隊從cx得到以下既幾樣野

1. 大球場被播出短片既機會, 不過無得現場睇.

2.

呢張未到手既感謝狀, 小白話呢張野同佢之前收到, 由足(演)總會寄俾佢既足(演)訓練技術改良訓練班果個証書一樣咁有意義 !

3.

今日收到, 包裝精美, 異常貴重既一條頸巾, 其實個環保袋都可以叫做禮物既, 即係有兩份, 我地7條人, 點分好呢 !!

Project>>get ready for the sevens 完滿結束.
國泰, 多謝晒 ~~