2012年5月2日星期三

復仇者聯盟~~

我地上年其中一件大事就係派左兩個player疾走美國一轉, 將sob引領入美洲大陸..

能夠得到呢個獎品, 全靠呢張作品.


就係因為呢套戲....雷神 !!!

我地同marvel studio亦結下左少少既情誼.

輾轉黎到衣家, marvel又有新戲上-- The Avengers!   親愛既雷神又會再出場勒~~~

為左支持The Avengers既上映以示我地對雷神既respect, 葉生叫我地上星期點都一定要買到隨milk雜誌付送既呢套......3d眼鏡!!

佢想我地一齊帶住呢d眼鏡入場睇套戲, 增加投入感~~~

值得高興既係, 經千個辛萬個苦後, 我地成功係港九各地書攤搵齊呢套家陣每副炒價過100既野...

很想要吧~~

事情並未就咁完結, 我地係屋企試戴呢幾個 3d眼鏡...... 一個好大既問題出現左, 點攪我地都襯唔起呢副超..........

既然係咁, 一不做, 二不休 !!  將件事再推進多幾步啦~~~~~~~~~
我地決定約大家一齊去睇, 一齊全情投入去睇呢套 The Avengers !!!!! 

即係點??
我地一眾player決定黎緊星期日, 6/5會去 THE ONE既百老匯一齊欣賞套戲. 時間係4:35pm果一場!!  (門票其實仲未買到, 因為並未公開發售)
當然, 我地係誠意邀請睇到呢一篇文章既你, 一齊前黎玩餐飽 !!

即係咁, 帶個人黎.......係並唔能夠滿足我地爛玩既慾望. 如果你有呢副披.....
著住黎啦!            如果你識佢的話, 就叫佢一齊過黎吧~~

至於SOB呢??  剩餘既時間唔多, 但點都應該有d 野攪出黎既.


絕密大公開----上面係我地其中一d紙皮道具既草圖製品 .

到時一齊係The One門口, 大iron man到留倩影吧 !!!!

真係有興趣一齊入埸既朋友留意, 到我知道星期日果d 門票可以公開售賣既時候, 就會第一時間係fanspage留言, 叫大家自己搶購~~   
到時各路英雄就可以著住自己副道具拎票入場享受勒 !!(有心出席就一齊黎gathering 一下啦,出心既著件Tee 帶個超都好好玩嫁!! Come and Join !)

應該.....希望我地個效果可以比呢幅圖好啦~


1 則留言:

  1. 紙皮道具既草圖製品!!!
    呢個概念,可以用係皮草上,以後d 人唔好著動物皮做既皮草,著紙皮草算啦!

    回覆刪除