復活節快樂 !!

祝各位呢個假期可以過得開開心心心心

如果無咩野做既話, 不防嘗試挑戰下邊一系列既game丫, 試下運氣~~

全部都係攝影比賽, 一部相機就攪掂 !

主題好簡單, 最緊要好玩~

大獎好堅秋, 係2011年 htc將會推出既手機, 每款一部!!!

保守d估....最少有10部電話俾得獎者慢慢嘆 ~~~

7仔為慶祝30周年既活動之一, Happy Momment @ 7-11
原來7仔已經係香港有30歲~~~ 唔怪得啦!! 佢地既口號就快可以改做--最少兩間係你左近~~

漁護處既活動
用相片說故事, 主題係保護瀕危物種.
唔知點解, 即時諗起cx我地上山同馬嬲玩個情況~

Time square 攪既比賽, 詳情係下面

問題係, 一定要有iphone先玩得~~

我為大家做好晒準備架勒, 分別會出現係唔同層數既道具已經影低晒!

象, 猩猩, 馬, 袋鼠, 羊. 自己準備好道具就去玩啦~~

順便提提大家, 今次呢一系列既活動係唔使你like我like你like佢架 !!!
影得好就有獎, 出動啦.

分享, 原來可以有難度的.

幾個媒體都接獨過, 玩過既我地, 呢次真係遇到挑戰!! 原來一個無主持人引領之下既分享, 真係好有難度, 講緊係早兩日我地sob派員去將軍澳一間中學做workshop既情況~~

順德聯誼總會鄭裕彤中學

一去到就先同負責既譚老師理解左個 workshop既背景.

sob既代表就係黎生同軟人, 仲有一位幫手影相既小甜甜~~

講番點解會有呢次workshop既出現先. 一齊回帶去3月6日, sob星期日檔案special當晚.

我地大伙兒睇得慶高采烈既時候, 節目只係做到一半, 葉生個電話已經收到一個黎自sob acc既 push mail, 內容就係呢個學校workshop既邀請. 其實節目都未做完, 譚老師已經發出呢個邀請真係幾嚇我地一跳, 所以真係要再多謝番佢既信任.

過後既時間, 我地再睇番因為上左tvb之後而出現既唔同要約, 呢個可以去中學分享既機會係我地其中一個最有興趣既事情. 因為sobplayer之間交情既萌芽就係黎自中學, 我地真心希望可以將中學時間既生活同同學分享, 希望俾到少少既啟發佢地~~

入課室前仲滿懷信心既兩條友仔~~

人數唔多, 不過都足夠out of 我地既control ~~ haha

要做一個好既分享, 先應該要帶動到在場朋友既氣氛, 不過我地兩條友呢次真係做得比較一般, 下次一定要做好d 呀!!!!

活動個內容細節就唔多談勒, 可惜係我地所準備既野, 都已經因為環境因素而分享唔到, 幸運地我地都仲有個blog可以幫到手.

活動一路落去, 同學既投入程度都可以叫漸入佳境, 尤其當得到老師出手相助之後.

收得我地既片, 我估一定會有幾個同學仔走入黎(blog)呢到望下掛~~

同學仔, 長氣都要再一次, 記住送俾你地既呢句: 口袋可以空空，人生不能空空.

你地衣家都只係一個中四既學生, 可以生於呢個資訊咁充足, 機會咁多元化既世界, 應該好好珍惜同利用.

我真心覺得做中學生係一個好好玩既身份, 過左就無架勒 !!!

最後,

多謝譚老師邀請, 我地既經驗值又上左一格.

Branding quote

其實我唔知主題呢句branding quotes有無用錯~~

我舉一個例先,
NIKE 句 branding quote係呢個

非常之深入民心.

另外一d大家都好熟悉既例子

我相信各大機構係設計自己呢句quote既時候都花左唔少腦汁去打做, 所以我平時都好留意呢d句子, 欣賞一下各大機構既quote究竟係未貼切得到佢地提供既產品服務或者公司形象.

咁究竟我講呢d branding quotes係咩野一回事呢??

其實係因為早兩日同人傾開計, 佢話我地一班人以前係未叫做不是一時貪玩, 去到中期先改名做 SOBplayer架 ~~

um....係呢到做少少回應啦 !?

SOBplayer既 branding quote其實就係

我記得當時要諗呢句quote既時候, 應該都花左有一個鐘既時間. 雖然唔算好耐, 但我覺得都係一個幾唔錯既創作丫.

正正因為我地不是一時貪玩, SOB將會嘗試人生第一次既學校workshop(轉得好快!!).

好大既挑戰呀 ~~~~~~~~~

明天, 順德聯誼總會鄭裕彤中學見 !!!!

有份參與既同學仔, 到時enjoy啦~~~~~~

完敗之訪問

尋日我地係fans page好急趕地嘗試招募一個小fans同我地一齊去玩...其實係想帶佢去呢到.

新城既錄音室.

就好似早一篇blog入面提到, 我地好希望每一次既訪問都有新元素加入. 所以, 原來既計劃係安排一位sob始祖級fans去幫我地一齊做呢個訪問, 希望由佢口中再講下什麼是sobplayer.

可惜....事與願違, 我地太遲POST個request了, 黎唔切安排呢個fans 單位, 唉~~

不過唔緊要, 呢次訪問又唔係話無得著wor? 因為大帝之間既甩底(果兩條友太過份勒)...成就左兩位嘴巴上晒鏍絲既player(估下係邊個~~)都迫住要係大氣電波入面為大家口震震地回答問題!!

佢係處子登場(錄音訪問), 真係估唔到星哥講野.........好叻!! 好有深度!!!

4條友, 2個主持, 1個鐘.

希望下次可以帶多d衝擊去呢類訪問入面啦.

總結呢次interview---我地順利, 但欠缺爆破~~~

節目出街時間 22/4, 2:00pm -3:00pm. 新城電台.

24小時mc記. 過癮訪問

其實我地每次都好感激唔同媒體有興趣搵我地做訪問, 因為每一個經驗都係俾我地更多見識同學野既機會.

而慢慢地唔知幾時開始, 我地都對呢類型訪問加多左俾自己既要求, 意思係指假如我地係個訪問入面, 唔可以俾到更多唔同既資訊/得著/驚喜俾受眾....我地都寧願先keep住呢個機會, 等我地有新諗頭先再去分享. 始終, 好多關於我地既野/問題, 係blog入面都好易搵到, 無畏一次又一次重複特定既台詞說話, 咁樣做根本就係浪廢左個接觸媒體既機會~~~

不過呢次訪問, 好明顯係我地再一次得到學野既時間.

講緊係同am1470既interview.

一個溫哥華既電台 !!! 真係不得之了~~

事前, 我地都諗, 訪問既內容相比之前所做過既, 應該都唔會有太大分別, 但呢次竟然可以透過自己既電話, 就可以做一個跨越太平洋既訪問........我地真心想試.

為左就番當地主持人既工作時間(其實係我身邊幾位大帝更難就), 訪問選擇左係一間24小時麥記舉行. 凌晨時份既interview, 好熱血呀~~

我地full gear, 帶晒藍芽耳機叉電出黎.......

點知最終都係因為接收問題, 好low-tech地一部電話, 你傳我傳你算數~

好緊張, 我一聽個電話, 第一樣玩既野係........我同主持人講: 我數 1.2之後, 你數3丫!!
好正, 真係有明顯既 time delay.

就係咁樣, 我地只係利用一部大約有半秒delay既google n1, 身處24小時老麥完成左一個跨越地域界限既interview!!

如果大家眼利既話會發覺相中人既目光都有d浮....

話俾大家知, 我地係呢個interview之前飲左一餐朋友既喜酒, 的確有少少酒精落左肚.

結果.........真係故你唔到, 我地講得好放, 好開心~~~~ hehe, 好順利地完成左.

個節目將會係 16,23 /4 分兩次出街, 溫哥華時間 2-3pm, 有興趣就留意下勒...

當然, 到我地收到soft copy既時候, 都會放番出黎俾大家開心一下.

怎戰枕戰 !?

02/April/11 係香港舉行 international pillow fight day 既大日子!! 可惜我地並未有好好去planning點樣迎接呢件盛事~~ 太浪費勒.

就連枕頭都係活動日既早上先買~~

原來衣家d枕頭既價錢可以去到咁底, 我地買果d $20一個以為好平啦, 點知呀浪同我地講佢果個只係.....$15! 質量絕對唔差tim~~

佢好珍惜時間...

練習緊 pillow fight 既招式.

一路上幾條大男人拎住個枕頭真係幾滑稽.

係唔適當既地方, 拎住同著住唔適當既野: 軟人表演左俾大家睇, 係地鐵拎住枕頭帶住黑超搭車.

到左我地既戰場, 中環皇后像廣場.

眼見比想像中多人, 感覺非常良好 !!

開始之前, 好多朋友仔都係到互相影相, 當中最搶眼既會係呢班友仔~~

起初我以為係有團體係到示威.

完來係到...inception緊, 真係吹脹~~

黎生都dress up左自己個白枕頭去迎接戰鬥!!

其實我出手一路都好細力, 無野好danger..反而個danger同小心既顏料最後走晒上件sobtee到...陰公~

佢就係香港呢次pillow fight既發起人, 呀tom ~~

我鐘意佢拎住我地既區旗, very之good !!

Tom 大哥既一聲令下..........fight~~

睇相都夠過癮!!

好想同大家分享下我係枕戰入面究竟怎戰~~~ 真係有技巧架.

最起初既階段, 好多人(包括我自己)都只係慢無目的咁向四周亂fing個枕頭...唔理打中邊個, 有無打中人, 打中邊到, 總之就係亂fing一餐~

慢慢地我發覺....無奶油浪費我把口架ma, 為左要件事好玩d, 我開始係戰鬥入面加入口號, 呢句係我既選擇: 我要打10個 !!! 我自己當堂戰得特別起勁~

跟住落黎, 有d戰士開始退出, 場地變得無咁迫既時間.....我地又轉左玩法, 每次展開攻擊之前都會向被襲者發出d莫須有既罪名知會佢一聲先, 之後即打~~

例子:

向佢講:條女有鬚既, 打 !!

向佢講: 又要威, 又要帶頭盔!! 打 ~~

btw, 呢個姐姐仔捱左10秒後, 真係暈低左...嚇到鼻哥窿無肉~~

扶左佢埋邊休息先發覺, 佢個頭盔係鐵架..堅重...有半包米咁重 !!!!! 超錯既選擇~~好采佢之後無咩事.

跟住係一條片, 睇下我地個sorfai點樣發施號令. 一句: 靚仔你都恰~~~
其實呢兩個細路真係好暴力!!

有樣野好好笑就係....開始有人學我地, 一路fight一路俾原因, 跟住我聽到....星期日檔案丫拿, 上電視丫拿, sob丫拿!! 過癮過癮~

玩到最後階段, 我既advance版係向身邊停戰左既人伸出友誼之手, 正當佢以為我想握手之際.....再fight ~~~

又或者向互相戰鬥緊既人講: 唔啦唔啦, 好攰呀, 唔玩勒...當佢停手之時...我又再fight ~~ yeah!!

呢d戰鬥既方法都可以令戰士間再多d互動, 大家不防袋定下年用.

玩下玩下...d人愈玩愈癲勒 ~

原定半個鐘既活動, 結果玩左 1個鐘有多 ~~~

最抵讚既係, 最後解散前每位參加者都好有手尾咁幫手清理四周枕頭既屍骸

其中有好多完整既枕頭都俾正生既校長收留左, 幾好!! 物盡其用.

再影多幾張有聲既相~~

下年見!!

香港實左須要更多呢類咁跳脫既活動去拉近我地同 Asia's World City之間既距離~~

最後要特別鳴謝呢兩個album既網主, 'v' "v" , blog入面有d相都係呢到借黎用既.