爆波 update~

離開爆波既日子已經愈黎愈近, 你緊張? 興奮?
話俾大家知, 我地下面仲有一個天大既喜訊!!

為左令到我地呢次活動可以更加陣容鼎盛, 爆波2.0將會聯同香港人氣排名第一, 專業, 頂級, 超卓, 有今生無來世既無敵威攝影網站

一齊黎個cross over !!

事情係咁既, 一路有跟開photoblog學影相同睇攝影故仔既我, 早陣子見佢地攪一個叫做 see you around 既活動, 發覺佢地都好希望藉呢次活動宣傳香港同尋開心….

這就是see you around了!!

我心諗......不得了, 同我地個爆波既宗旨完全一樣!! 個活動又咁過癮, 恕我真係搵唔到一個唔合作既理由, 所以一個email, 就產生左呢次一齊玩既機會勒!!!

當日集合既情況大約係咁樣安排既, See you around本身並唔係單單去迪欣湖一個地點取景, 佢地其實係較早既時間10:00am就已經開始. 直到1:30就會同我地爆波團係九龍塘理想酒店(門口)個牌果到會合!

我諗大家會認到掛~~

到時我地全人類1:30pm就會由呢到, 坐我地既雙層空氣調節連全皮座椅既包車出發前往迪迪湖尋開心~~

認住呢架車~~

講番個報名先~~

如果大家對see you around好有興趣, 覺得只係參與迪欣湖呢一part場景唔夠喉, 要更加早開始有得玩的話(10:00am於尖沙咀鐘樓), 就要黎到呢到報名勒, 要快手! 有30個位! 佢地d活動好快full~~

對於原先參加左爆波既朋友黎講.....hehe, 多左呢一批photoblog既參加者, 相對地係會影響左你地係爆波入面既勝出機會....當然, 我相信獎品(話實, 呢次好名貴)都係其次, 最緊要係咁大班人可以聚埋一齊爆餐飽丫ma, 係未先~~ 而且我地又可以多樣野玩, 影埋一份....真係未出發, 先興奮 !!!

準備:

都係果句啦, 藍天白雲大草地, 你話自己應該著咩色既衫出現勒~~

唔係黑白灰.....下ma, (女裝既 sobtee係黑同灰架wor!! << 我無野講)

紅黃藍綠紫好d lor~~~

當然, 唔會唔俾你上車既, 不過就有少少比下去lor~~

come on, 果日妳要colorful 先會 beautiful 架 !!

而see you around呢個活動本身係世界上面幾個地方都有人舉辦過, 想同有心玩既朋友講, 我地呢次一定一定要做得更好呀........呢兩日一於諗定有d 咩野動作/道具可以帶去, 令到張相可以影得更funny啦.

例子:

相中人, 小熙.

我真心覺得如果最後段video出黎既感覺比前人好的話, 香港會嬴到呢場無型既比賽~~

仲有,雖然話呢次既活動係有電視台黎拍攝, 不過想唔想受訪都係自己話事既. 我就希望大家做番自己, 拎番心底入面果d最爛玩既真本色出黎癲番下. 唔好選擇扮型扮cool, 搵野(姐)面果d老土野勒, 係呢個世代咁樣係唔work架, 笑多d, 多d溝通, 唔好怕醜, 你一定會識到好多朋友~

最後, 我地一齊等.........

好天氣!!