我係snake eys

呢次係UA cinemas攪既, 睇 (義勇群英: 毒蛇反擊戰) IMAX 3D嬴巨獎.

贏左的話, 個獎品好堅秋, 雙人美國拉斯維加斯7日6夜 義勇群英：毒蛇反擊戰 typeface 冒險之旅.

個行程最勁係呢個: 學習日本武士必殺技!
會唔會係時間停止呢?, 聽到已經流晒口水~

活動入面須要做既係影低兩張imax3d版既戲飛, 然後係番 imax戲院打咭, 並且寫低點解睇 (義勇群英: 毒蛇反擊戰) 一定要睇 imax 3d 版, 講得最好就會有獎

講真, 點解要睇 imax3d 版本, 我相信來來去去都係果幾樣架勒, 未又係大銀幕, 更立體之類既原因, 都好難有咩突破.

跟住, 同奶吹水期間, 佢俾左個好無里頭既意見, 佢話

William Yip 原因去睇: 因為要睇返自己既演出!

我真心覺得..無里頭到極點, 無啦啦, 演乜野出呢~~~

隔多日, 再睇下呢套戲既少少資料..........我諗到勒 !!!  一於係奶既概念上再加個更精準既切入位, 就係將自己代入做戲裡面既 snake eyes!!!!

有睇套戲既你都會知, snake eyes係入面完全無露過面, 我話自己係snake eyes呢樣野都無話一定唔得姐, 嘩haha ~~~

就咁啦!!  買多把膠刀仔, 全情投入去扮埋snake eyes影相..

真係好奇怪, snake eyes著牛仔褲

上面就係, 用左大約10min 完成既作品

最後作多幾隻字~~
 一齊黎欣賞下我地交俾大會既野~

呢份參賽作品, 幾好, 唔錯 !!
老土既野, 有~
幽默既野, 有~

係email 入面, 我地繼續堅持到底 !!

Hi,

唔知你地指既screen cap 係未我呢兩張相，如果有問題，可以打俾我的。
張飛尾，我仲keep住，如果要睇清楚張 tickets ， 我可以另外再send。

snake eyes, 948xxxxx

成件事俾我既感覺, 就好似當年雷神果穫~~

又係英雄人物, 又係扮野, 又係勁快手, 又係去美國........今次仲要幪埋塊面 !!

一齊睇下呢隻snake eyes 係未可以笑到尾~~

不是一時貪玩(road show) 19_04_13

話晒今日第一次喺到揸筆, 我覺得係要做少少自我介紹嘅.
關於sobplayer我會咁形容: 一班自問好貪玩既人, 命中注定要走埋一齊嘅遊戲團隊.

呢個社會貪玩嘅人你同我身邊都會有, 咁我哋又何得何能可以喺到有個地方同你分享自己嘅玩樂誌呢?
因為我地-----認真地, 不停地, 有意義地, 不是一時貪玩.

好! 開始勒, 呢個星期先講下我哋最叻果範!!
上網睇報紙雜誌時一定見過唔同品牌喺推出產品服務果陣攪嘅推廣, 呢類活動當中, 以作品徵集比賽, 或者攪抽獎係最普遍既做法, 你有無參加過？有無人會覺得呢類活動係黑箱作業呢？

抽獎呢個範疇我地經驗少, 唔評論, 不過喺參加比賽嘅方面, 我哋就有唔少經驗！

輝煌嘅戰績--有

黑箱到一肚氣嘅結果--有

喺呢個比賽嘅領域，我用專才去形容sobplayer係絕對唔會過份.


你問我地點解會不停去參加呢類活動？
憑住我地無聊事認真玩住地做嘅態度, 過程入面每每都充滿驚喜. 我真係諗唔到要停嘅原因.
先唔講贏左比賽之後嘅獎品(電視，相機，電話，旅行，現金....)

每次我哋走埋一齊去做一件事嘅時候都一定充滿歡樂, 當中發生嘅一切經歷, 點點滴滴都係將我哋份友誼維繫住嘅原素. 其實呢種感覺就似求學階段, 柴娃娃去為學會, 或者社際活動投入熱情嘅感覺一樣.

老實講, 離開學校後, 一班老友依然可以出心出力去為一件事努力, 唔係為交功課做project, 更加唔係為什麼有利可圖嘅大生意, 即使最終攪咗鑊粥出黎, 亦無乜所謂. 因為成件事, 我地最想得到嘅係朋友之間相處時最直接嘅快樂.

blog獨有, 送嘅兩點

我地一定賺玩。

除咗話賺玩,有時都會諗我哋嘅香港太少得意事發生勒, 既然我哋喺玩呢方面有少少過人之處,而又難得地揾到個空間去發揮自己, 真係唔應該浪費, 我哋好應該繼續去玩, 繼續將自己嘅生活態度展現出黎, 希望大家可以喺我哋身上找到一點什麼，那怕只係一次發笑嘅機會, 都已經係令我哋嘅付出再帶多點價值.

搭上road show

因緣際會下, 我哋搭上左roadshow.

仲要奇怪地極高效率, 上星期五已經開始左連載, 出左第一篇文章.

同千萬票房導演做鄰居

here

預計係roadshow入面寫嘅野同呢到應該唔會太大分別, 都係發生係我哋身邊嘅事, 兩邊互相補充.


而第一個project尋日已經攪左, 衣家正努力埋尾當中.

呢個project名為: 即Love即有

我地去左旺角行人專用區果4檔即影即有攤檔影相, 目的係希望幫佢地做個小比賽.



攝影主題係: Boys Love

下面就係幾位唔同攤檔嘅攝影師勒.

instant20

Monocam

LUCKY U

QUARTER SHOT

詳細d既比較我地仲攪緊, 但有樣野想大家都一齊參與.
呢到可以睇到最後4張影出黎嘅相片, 大家睇完之後再黎呢到投個票呢~~

究竟邊一張相喺大家心目中, 最能影出Boys Love呢種感覺呢?