Go into SOBtee's details~~

心血來潮, 想整番個SOBtee special~~

呢陣子經常出現係眼前既衫.

仲有黃色

有追開呢到既都一定知, 呢兩隻色都只係男仔所穿.

分別在於, 多數sob成員都係有件黃色, 而灰色就只會出現係比較核心既player身上.

至於女仔就係...

白色.

比較修身既設計, 而布料亦較為透氣~~~~

呢3件SOBtee都係為左多謝身邊朋友既支持而製, 係免費派發. 只可惜係分發既過程上唔係太完善....引至有幾位好朋友仲未可以拎到, 真係sorry~~~

不過唔怕架, 我地貨源充足. 雖然好朋友既妳仲未收到, 不過我地心裡有數, 遲早都會俾到你既! 如果唔夠, 我地都一定會加印. 放心~~~~

一齊睇下件衫既 details ~

正面

睇唔睇到有特別之處呢.......
我地既 designer 話佢係別有用心~~

背面

係last min先出既一個design~~ designer 好野!

呢批SOBtee既衫底

Gildan, 真係好著呀 ~~

相信以後既SOBtee都會用番呢個牌子.

好勒, 呢批tee既細節就去到呢到勒, 不過...............未完

因為我唔係貪新忙舊架, 下邊既版位就會為你介紹番第一代既SOBtee勒~~~~~

用左黃色做主色.

心口係sob既logo. 個logo唔係絲印, 係植毛架~~

用左不知名既衫底供應商, 講真係比較焗身.

係右邊後方既肩胛位加左青衣人既 logo(我真係好鐘意呢個logo架)~~

呢個青衣人logo紀錄左我地既唯一一次軍旗活動...

唔使問架勒, 呢件真係絕版了~~

第一代既SOBtee, 我無記錯只係做左12件. 估唔到事隔左大約一年, 第二代既tee已經係講緊做左57件....都仲要係唔夠分.

一年, 呢個成績唔錯啦~~~

每次SOBtee既問世都係好鬼開心, 一齊期待第3代既出現啦.

與大帝合作~~

早兩日, 原本已經叫晒班大哥出黎一齊影baleno既相. 以為可以一邊打下羽毛ball, 一邊過下影相癮啦...點知佢地又真係打ball時打ball, 話知你叫幫拖, 真係好朋友.
死剩我同個消極老祖熱奶淋係到死鬥 !!!

衫..我去買既~~

代用眼~~肥星設計, 熱生 print既

係準備極到不足既情況之下, 我同輝哥....好小心咁張物料撕好.

勁難撕~~

我有一剎那既衝動想交呢一張~~

攪左好耐~~終於攪左個道具出黎...大雄眼睛 !

後邊既軟生, 打得好落力~

最後既作品~~~

係人力有限及趕住收工既情況之下......

你地呀, 果日無份幫手出賣腦袋既人呀~~~~~~~

分工合作呀, 你地快d用盡你地飲奶既力去叫人入黎投票啦~~~~~~

當然, 係朋友既你, 都好應該幫下手既. thx!

另外, 真係人衰行路打倒x, 影既過程都唔係順利架啦, 點知係最後既62個作品入邊, 竟然撞concept, 有另一個大雄出現, 玩左咁多次都未試過咁鬼黑仔, 撞到咁鬼應掍, 佢仲要有個激突靜香tim~~

不過我唔怕, 因為我有.......睇緊呢篇blog既你

我係呢到承諾大家...如果真係咁好運, 係呢個比賽入邊羸左, 我會係獎金入面拎HK$17,000出黎, 買100套大雄polo套裝黎一齊影大合照!!!張開心再分享俾大家 ~~~

快d去為我地投下自私既一票啦, 朋友~~

多野玩到...

唔知係d公司budget多左, 定一話係我地勤力(上網搵野玩)左, 遊戲真係多到呢 ~~~

完全消化唔切, 須知道我地雖然係人多....

但以衣家咁多位大帝既力量加埋, 根本係 1+1+1 細個2

唔打緊, 我都為你 update一下.

我地最愛既其中一個brand.

最喜歡佢既576, 但偏偏一眾sobplayer著得最多既係577~~

當然, 577都唔差! 尤其呢個閃令令效果.

伸延欣賞...新巴聯

ok, 講得太多勒, 離晒題........個game 即係點呢~~
就係咁law...自己睇.

呢個過癮呀!!
唔理咩獎品, 剩係話你知係一個足球相關既活動就已經一定要撐啦!!

埋黎睇, 埋黎睇.

鬥咩? 鬥 tick ball呀! sob之間互鬥都夠過癮啦

到時既參賽者會有. 我, 軟人, 細超, 同sorfai. 依我同呢班弱者踢左咁耐ball既經驗估計, 最終既排名應該係1, 3, 4, 2(依前面個名既順序).....arhaha !!!!!

見到呢個logo, 我既腦即時浮起一個晝面~~
藍天白雲之下, 有一個大汗搭細汗既女仔踩住單車, 拎住支保礦力水特(真係唔知幾時開始多左水特呢兩個字), 向住個海灘踩過去~~ 而背境音樂就一定係好energetic既日文歌.

不過.....呢次唔係video比賽wor, 係影相比賽 ! 研究下~~

其實係幾好玩架~~著住baleno既polo衫影相.

可惜..班大帝叫唔郁, 最後仲要撞左個 idea...真係激死!

你可以估下我地點玩先入去睇~~

最後呢個勒, 我覺得..........應該會係最有意義既一個function

主題講緊, 你有咩夢想~~~
你講得出, 人地又欣賞的話, 安信就俾舊錢你將佢實現!!

諗...我唔係諗緊自己, 我諗緊sob有咩野......夢想.

都係多口一句既結果~~

多口又問一句, 結果我地就去左呢個 office~~

見到啦, 個名叫出街(outstreet)既公司.

Offical page係呢到!

佢地係一間新成立既網站公司, 主打提供唔同類型既出街資訊, 務求做到比open rice更闊(唔只美食), 但又比yahoo更專(唔只廣告)既一個著數分享, 意見回饋型式既web page(好似好勁).

講番, 呢個見面機會原於小hee係poly一個 recuitment day. 佢係一眾呆版既 booth 入面, 唯獨俾outstreet既booth 果種用色同設計既突出而吸引左埋去打交道...

經小hee 既了解過後, 佢覺得outstreet發展既方向好特別, 應該可以同我地sob互相合作一下, 結果一個email就速成左呢次既會面勒.

其實我同小hee上去之前, 都未算係好清楚可以傾d咩, 又或者將見面既目標放係邊....不過整個過程都好流暢, 而又輕鬆.....點解? 因會佢地既director(Stephanie)絕對係一個nice person~~

整個會面既過程入面, 我地交流左好多野, Stephanie講左俾我地知 outstreet既方向同目標, 仲有目前遇到既問題. 而我地又同佢分享番sob一路已黎, 係唔同公司攪既比賽入面所睇到既一d....關於廣告/PR公司活動既點滴. 大家係好和諧既氣氛之下就傾左大約個零鐘既時間... 感覺良好!(普通話)

雖然, 我地呢次並無come out到d 咩野好實際既合作模式/機會..但我地都再一次學到野架~~

Stephanie係一個外國讀書, 之後回流香港發展既女生. 我同小hee 都覺得以佢既資歷, 好簡單咁去搵一間公司做, 一定可以好好pay. 但佢依然夠膽同朋友係唔太清楚香港既行情之下(佢同partner都係外國讀書)決心打做呢一個網站事業, 夠膽去冒呢個險, 堅係值得欣賞丫!!

唔知outstreet 既將來會發展成點, 不過都係到祝outstreet....生意興隆 !!!

仲有.....多謝妳地既......小禮物.

thx.

加油, Stephanie.

TRY左, 先有機會．

早前文章提到, 我希望可以係黎緊SOB旅行入面, 為香港做到少少野. 簡單講, 即係向d老外朋友推介我地住緊呢個城市, 俾佢地知道香港人既友善及活力.

老實講, 我地只係幾丁人, 可以做既當然唔多........不過, 那怕只係影響到一個人, 多左一個就係多左一個, 都叫做為香港作出過貢獻丫!!

實質想做既野....有好多, 而我地第一個希望做到既就係將香港既飛龍標誌帶入SOBtee.

點解想咁做? 因為去到外地, 身上既黃皮膚只可以話俾人知我地係亞洲人既身份, 如果要完全表達我地係香港人的話, 我希望可以將代表左香港既呢隻飛龍放上SOBtee.

唔好問我滿唔滿意呢個logo勒~~

反正沒有最好, 只有更好丫ma! 衣家呢隻飛龍就係香港既icon.

目標清楚, 就開始搵究竟係咩野渠道可以拎到呢個標誌既使用授權勒.

用左少少時間就搵到了....係呢到

睇下睇下仲俾我搵到一d得意野, 原來呢個飛龍標誌係有一系列既圖案式樣, 有d 係唔錯架...

自己又dl 落黎睇下丫..

睇完d 資料後, 我好直接就打俾香港品牌管理組果邊既負責同事, 問佢點可以拎到個授權.

係電話入面, 我講左sob既背境以及我打黎既目的...

大家估唔估到對方既反應呀~~

係勒, 佢(fanny小姐)係完全唔明我講咩野架 ~~~~~而我亦都完全明白點解佢唔明白我講咩野, 所以我打左下邊個email 俾佢.

信既Hading, 我用左

HELLO, 我叫tomy. 想借隻龍黎用下~

FANNY

妳好, 剛才電話入面既對話可能令你一頭霧水.
不過簡單兩句, 我地呢個小組織叫 SOB (sense of belonging)
中文解釋, 妳都明架啦, 所以我地對香港係有感情係到架.

我地呢陣子贏左幾次既旅行機會, 所以好希望藉呢d外遊既時間順便為當地推廣hk
所以我地想借用條龍放落件衫, 等我地去到外邊可以俾人識別hk人既身份.

我地衣家有兩大個目標
1. 對外:　有機會去旅行時話俾人知香港人係有活力及有創意的 nice guy.
2. 對內: 將旅程拍攝回港, 跟網友分享喜悅. 俾hk既朋友認清年青人既另一種活力

可能我既文字都唔係太好, 希望妳睇過我地既blog認識多少少之後, 我地可以再通電丫..

TOMY

葉生同EASON大哥話.........痴線, 你做呢d野可唔可以formal少少~~

Oh sorry, 我d email 就係咁樣格式架勒, 做人casual 一下唔好咩, 人家係office 坐鎮左成日, 可能真係好悶架ma, 收下呢d爆破野, 可能會開心d呢~~

一個星期後, 我地收到reply勒.

TOMY,

多謝你們對「香港品牌」的支持。

很高興你們有機會去到外地旅行時會協助宣傳香港。我們製作了一些印有「香港品牌」飛龍圖案的紀念品，例如飛龍襟針和原子筆，我們可以提供一些數量予你們到外地時派發，讓外地的朋友知道你們是來自香港。

你可以下星期三以後到我們位於中環花園道美利大廈4樓406室的辦公室提取約50 個飛龍襟針，至於原子筆則尚在製作中，遲些再通知你們前來提取。

謝謝!

Fanny Hui

嘩, 我地得到左香港政府既支持, 捐出50個襟針同一d原子筆去宣傳香港呀, 堅 !!!!!
講真, 雖然我地唔可以將隻飛龍印上SOBtee, 不過呢個offer都足夠令我非常驚喜勒. 所以我亦都好快手就去左中環美利大廈接收呢d小禮物.

近d

靚丫~~

不過....好似細左d.

肥星話, 又會咁都俾我拎到呢d野既!!

講真, 好多野都係多口一句, 咩都試下先知有無機會架ma. 當初我地SOB都係玩下試下架啦.....無左呢個咩都試, 咩都問既心唔得架, 知無~~

好, 既然印唔到條飛龍, 我地要準備下另一個approach 勒~~

btw, 多謝妳! Fanny 小姐.