世界是平的.

我地自年頭開始一路玩唔同既網賽, 到目前為止其實個成績都算唔錯, 贏過好幾次既活動. 不過我發覺有一樣野我地仲未做得到..............我地既作品仲未可以跳出香港 !!!!!!!!!!!!
雖然我地曾經參加過台灣旅遊發展局舉行既比賽, 不過最終我地都無入圍. 咁即係代表我地仲未成功打出去, 未曾為香港既創作力量爭過一口氣!!
經過我多月黎既網上探索, 機會又出現勒. 早幾日發現左呢個網站

http://www.mofilm.com/
呢個網站可以話係一個好好既舞台, 可以俾到世界上唔同地方, 又有意將創作力展現出黎既朋友, 一個發表既機會. 而最吸引人既地方在於, 每一個發表既作品主題都係為一d世界知名既品牌去設計短片廣告, 勝出既參賽者更加可以有唔錯既獎金tim !!!! 厲害,厲害 !
以佢地衣家最大力推廣既活動(London Film Festival)為例, 當中佢地聯絡得上既大品牌有以下幾個.
NOKIA, pepsi, at&t, hp, Mc Donald, VISA, etc.....
有興趣自己再入去望下啦, 我地已經準備好晒勒!

一個網站就可以將世界上唔同地方之間既創作力, 跟響噹噹既大牌子中間果種距離拉得咁近, 世界.......平晒啦.

CX 我地又黎Share your smiles.

仲記得我地剛剛開始參加唔同類型網賽既時候, 其中一個玩得我地好開心, 而又叫我地失望無比既活動就係國泰攪果個 HONG KONG 7 短片比賽. 果次總結係我地懷著胸有成竹既心情去迎接左一個叫人沮喪既賽果..........不過呢次既失敗並未令我地忘記 CX..........
古語有云, 有仇不報非君子(好以有d格硬黎). 衣家機會黎勒 !!!!

呢一次國泰希望一眾網友可以去呢個facebook網頁分享佢地既旅遊smiles片段, 得到最多網友讚好既頭5位作品將會得到cx 假期送出HK$2000既旅遊禮券.
當然我地並無放過呢一次既機會, 出左兩個video 既作品, 分別係:
~~墾丁8雄
~~去旅行, 有得玩, 一定開心到跳起
係朋友既你, 唔使我講都知要點做啦..........我地既目標唔止睇緊呢篇blog既你/妳, 仲有你/妳身邊所有識得/唔識得sobplayer既朋友 ~~~~~~~~~~~~~~~因為我地要報番一戰之仇 !!
投票方法好簡單 :
1) 於活動網頁的右邊「你的回覆」中選擇「參加」(一定要attend, 唔係的話, 個like作廢架)
2) 「重新整理」網頁
3) 於相片或影片欄中按「觀看全部」，選出最喜愛的照片或影片並表示「讚好」(即係我地果兩條)

呢次國泰既比賽手法, 其實真係幾醒, 利用左facebook既界面就好容易咁攪到呢個function, 而且facebook既system亦都好有效咁幫到cx防止d人用唔同既program幫自己既作品灌票, 真係高招.不過我諗有樣野cx真係估d網友唔到, 就係竟然有人用自己既旅行相片進行洗版行動, upload左百幾張相(好多係好求其影既相)上去個contest, 攪到想認真睇下其他參賽作品既mood 都無晒.

VLT RAP battle 直擊.(上)

萬眾期待既8/28, 我地小熙哥登台既大日子 ! 雖然並唔係什麼一線既舞台, 只係start hall 隔離既演講廳, 不過今日一小步就係明日既一大步, 加油.

講真我地今次玩得非常開心(其實我地班狂徒都無咩邊次去玩會唔開心).......現場直擊啦 !

只有6張tickets, 唔計小熙, 出征既人有 我, 肥星, 傻輝, 細超, 軟人, 熱奶..陣容好以弱左少少 ~~

8:15開場, 寫左係free seating, 我地都話左想早入場坐前d撐小熙, 結果都係要7:45分先去到九展, 仲要俾輝哥帶去間什麼有機餐廳黎一個4餸1湯.....唔係唔好食, 講真d食物仲唔差tim, 不過serve我地既哥仔真玩野, 都知道我地係趕時間架勒, 仲要焗我地歎佢地呢個快快快快餐~~~~
食緊野既時候, 我地收到已經係後台準備緊既小熙一個電話, 佢求我地到時唔好亂咁叫囂, 仲話其他既參賽者好勁, 好犀利. 我地reply佢講, 放心啦, 無事既, 好快就過 !~~~hehe, 睇黎佢真係好緊張.
我地全套裝備, 連紙牌都有呀 !!

分別就係我同輝哥手上既果塊勒!

唔係講笑, 去到門口, 我地已經感覺到維他呢一次真係好大手筆! 睇下當時既佈置..

吹氣同紙板既vlt都係人咁大件~~

當然唔少得兩個主角. mc jin 同尹光大哥 !

跟住仲有每個入場人士既贈品 !

打氣用既pon pon stick

最勁呢件, 係一個小風扇, 風扇上面個VLT LEMON TEA仲會閃住轉黎轉去tim, 而且每一個都已經入左3粒 GP(唔係d雜牌野)既電池, 所以我話維他呢一次既function真係好有誠意.

去到活動既場地, 呢個演講廳都絕對唔少野, 應該都house到 7-800人! 好可惜我地實在太遲先去到勒....

我地要坐到最後law....................睇下我(sob tee 同 vlt 已結合)個背景, 同個舞台差好q遠呀 !!!

講番個比賽...(待續)

搶軍旗實況

真係幾個月勒, 我地既小白大哥終於為我地早前舉行既青衣人搶軍旗活動出左段影片勒 !
正呀 !

講多無畏~~~~~~
去片 !!!!!!!

愈睇愈想玩多次 !

Yahoo "start the trend"

Yahoo個呢個function今日就截止勒, 要參加比賽既的話就一定要係今日遞交到個blog, 不過到目前為止, 我覺得個比賽似乎唔多得到網友既支持wor, 感覺呢次function唔應該只係得咁少既人參與........
其實成件事情真係做得好靚架 !
仲要段段有 ! 唔同時間都有獨特既推廣活動
http://hk.promotions.yahoo.com/10th/celebration/
有興趣就快d整番個blog撐下場呢, 頭1000個參加單位仲要有隻精美水杯送tim (衣家既情況, 每個單位拎10隻都送唔晒).

當然出得聲叫人地撐, 咁又點會少得我地, SOBplayer 為 start the trend 而成立既第二分店.
http://hk.myblog.yahoo.com/sob_hongkong/article?mid=2

有yahoo acc 既你, 而又撐我地的話, 入去上面條link 俾個 reply 支持一下呢~~~

維他檸檬茶VLT, 澀得起就係我rap battle!

維他檸檬茶舉行既一個活動, 流程係先打電話去一個電話錄音, rap低自己對澀既睇法. 10位最出色既rap友即可於903早霸王時段決鬥, 最後5強更加可以出席28/8 (VLT澀得起就係我rap concert) 同Mc Jin黎一個即場既freestyle battle, 競逐終極大獎.
今次, 由我提意小熙出戰, 到佢出好歌詞, 只係有兩日時間, 不過佢都不負眾望, 寫左一段好好既詞, 並且係我家果張靈感的溫床上面完成佢既電話錄音.
係唔夠兩小時之後我地就收到903既電話, 入圍了 !!!!!!
入圍代表小熙要係第二日, 即係今日既早上進行phone in既live對決, 同另一個入圍選手切磋鬥rap VLT既歌詞.
比賽情況係咁既.......


壓倒性既勝利
28/8 Mc Jin, 到時見 !

SOBplayer 武器篇

一路已黎我地羸左既獎品, 係成功變$之後, 其中一個使用既方法就係拎去upgrade我地組織既武器.

衣家唔係好多....只係呢兩件野 !

sanyo ca9, 方便落水拍movie, 但佢d 相片既質素.....可以不理

小白口中, 叫做sever既一組野有 1TB既 HARDDISK !! 不過好以仲未投入服務就死左

好快就會再加入音樂野 !!

好勁同好開心既網賽 !

呢期有幾個比賽, 我地好想玩

http://www.canon.com.hk/en/Consumer/Promotion/EnjoyPhoto101.aspx

主題係, 實體既相片可以點玩 !

完全係另一種既((拾相)), 唔再係電腦前既photoshop, 我地都覺得呢個比賽好有娛樂性.

我自己都好期待最終件art work會係點樣既物件呀~~~~~~~~~~~~

http://www.it21.hk/home.php

主題係好簡單既數字 21.

一睇個web page你會發覺, 成壇野係好有格既一件事情, 好dark架 !

真係唔知我地果種思維作品可唔可以match到呢次既評審.
不過佢既獎品係堅wor, HK$100,000既現金, 加HK$110,000既IT COUPONS.

TOTAL HK$210,000

http://maxims-snowy.hk/index.html

主題係點樣型住食冰皮月CAKE.

呢個美心既短片比賽都唔少野, 勝出既短片會獨得 HK$100,000

美心呢次好有腦, 我睇D條款, 佢地無請評審, 比賽結果完全係靠網民投票, 而最堅既地方係, 如果投票網友買左美心冰皮, 佢投票時可以KEY IN個code, 咁就可以1票當10票 !!

高招!
咁即係好hae 既片都有機會......................最緊要係食多d冰皮 !!

sense of belonging

今日係中五放榜既日子, 係到祝願各中五同學成功考取到自己心目中既分數!

除左放榜之外, 今日仲係一個好特別既日子! 我唔係指果隻天鵝既來去匆匆, 反而因為佢走得快, 我今日先可以係返公司途中, 遇見及支持呢一日既賣旗團體--東華三院.

對於作為飲東華三院奶水大既我, 真係諗唔到半個理由唔去支持. 我拎住一張$10膠鈔, 跟一位東華三院張明添中學既同學仔交易, 佢表現得有d怕羞. 我問佢可唔可以用$10 蚊交換成張貼紙, 佢有d 手足無措, 奇怪緊我點會問呢個問題!? 佢可能心諗呢條友傻架, 你俾錢, 我俾旗, 話知你俾幾多啦! 無錯勒, 原來佢心諗既一張, 即係一格仔, 但我指既一張係成張未用過既一整張, 所以佢將旗仔貼左俾我後, 我地兩個呆望左一秒, 我睇住佢嘴上代表青春既汗毛同眼神, 有d閃動及放空. 跟住我再講多一句, 我係想要成張....

當然, 張旗最後都成功入手. 再多口問佢一句, 你地張明添係東華既第幾中? 佢d放空既眼神又出左黎, 果下我真係笑左. 我同佢講, 東華三院有好多間中學架ma, 跟番個成立時間, 有個排位, 以我讀果間吳祥川為例就係第十三中! 我問佢聽過未, 佢答我......未. 咁我唯有笑住同佢講byebye啦.睇黎衣家d學生, 對自己學校既sense of belonging (sob) 都愈黎愈少架勒~~~

返到office, 聽到有關放榜既消息, 發現一個好奇怪既報導. 原來衣家有部分中五既學生即使考得唔錯, 有廿幾分可以原校升讀中六, 但佢地竟然會選擇放棄, 走去什麼恒生商學院之類既地方繼續升學, 道理係因為呢d商院既入大學率較高 ! 唉..咩世界. 難道一間母校真係唔可以俾到學生歸屬感嗎, 那兒的人和事, 真的是這樣不值得學生去留戀? 作為老師會唔會有難受既感覺呢? 一班培育左五年既學生, 對自己既學校竟可如此冷漠...

係我既角度, 讀書升學當然緊要, 但一個人的成功, 隨了學業外, 還有更多雖要配合既原素, 空有亮麗既成績單, 並唔足以叫我去欣賞一個人.

上年我係背包釘上左呢個母校既校徽..東華三院吳祥川紀念中學.

世界既另一個角落

早兩日, 係都市日報見到呢一篇報導:

呢位auntie好野呀, 24年黎, 共羸過總值500萬港幣既獎金獎品. 而且佢只係靠一人力量 ! 即係話無論攝影比賽, 又或者口號比實都係由佢全權負責, 犀利 !
諗下諗下, 我地就更加不得了, sob既組織不下10人, 仲要件件都係周身刀, 張張利. 雖則我地唔係由什麼明牌學府畢業, 不過青衣既自來水一向都有品質保證, 飲得我地腦筋靈活, 精靈活潑, 因此我地絕對有機會超出呢位auntie既成就!
再者我地目標並唔係單單眼前既獎品, 我地係要同你share the fun !